Добро пожаловать на сайт Федерального министерства иностранных дел
Mümkinçilikleriň karty (§§ 20a + 20b Ýaşaýyş kanuny)
Eger mümkin bolsa, şu resminamany çap ediň.
Indiki maglumaty ünsli okap çykmagyňyzy haýyş edýäris
Ýüz tutmak üçin resminamalary toplamagyňyzy haýyş edýäris.
Resminamalaryňyzy görkezilen tertipde ýerbe-ýer goýmagyňyzy haýyş edýäris.
Eger siz şu resminamany çap etdiren bolsaňyz, tabşyrýan resminamalaryňyzyň gapdalynda bellik goýuň.
Ähli resminamalary daşlyksyz we skrepkasyz tabşyrmagyňyzy haýyş edýäris.
Resminamalary ilçihanada tabşyrmak üçin ilçihananyň web-sahypasynda deslapdan hasaba durmagyňyz hökmany ýagdaýda talap edilýär.
Işiň köplügi zerarly we ýüz tutýanlaryň ählisine deň garalýandygy üçin, wiza bölümi işläp taýýarlamak üçin arzalary diňe talap edilýän görnüşde kabul edip bilýär. Ilçihanadan ähli resminamalar, maglumatly kagyzlar we arzalaryň görnüşleri (formalary) muzdsuz berilýär.
Umumy maglumatlar |
“Chancenkarte” (2024-nji ýylyň 1-nji iýunyndan başlap) Germaniýada Ýaşamak barada kanundaky täze hukuk esasy bolmak bilen, ol Germaniýada iş gözlemeklige gözegçilik edilýän elýeterliligi üpjün edýär. Iş gözlemekden başga-da, bu Germaniýada daşary ýurduň hünär derejelerini ykrar etmek boýunça çäreleri tapmaga hem mümkinçilik berýär. - Daşary ýurt hünäriniň doly barabardygyny we şunuň netijesinde “hünärli işgärler” diýlip hasaplanylýan üçünji ýurtlaryň raýatlary, haýsydyr bir goşmaça ýörite talaplar bolmazdan, olaryň ýaşamak üçin serişdeleriniň howpsuzdygyny subut edip bilseler, Mümkinçilikleriň kartyny alyp bilerler. - Ähli beýleki ýüz tutujylar daşary ýurt uniwersitet biliminiň, azyndan iki ýyl hünär derejesiniň (okaýan ýurdunda döwlet tarapyndan ykrar edilen) ýa-da Germaniýanyň Söwda palatasy tarapyndan daşary ýurtda berlen hünär derejesiniň bardygyň tassyknamasyny bermeli. Mundan başga-da, nemes dilini (A1 derejesi) ýa-da iňlis dilini (B2 derejesi) bilmek talap edilýär. Eger-de bu talaplar berjaý edilen halatynda, Siz Germaniýada hünäriň ykrar edilmegi, dil başarnyklary, hünär tejribesi, ýaş we Germaniýa bilen baglanyşyk, şeýle hem siziň bilen göçüp gelýän ýoldaşyňyzyň ýa-da äriňiziň/aýalyňyzyň mümkinçiligi ýaly ölçegler boýunça dürli ballary alyp bilersiňiz. Mümkinçilikleriň kartyny almak üçin azyndan 6 bal toplamaly. Mümkinçilikleriň karty, şol döwürde ýaşamak üçin serişdeler üpjün edilip bilinýän bolsa, iň köp bir ýyl üçin berilýär. Ol Germaniýada bolýan döwrüňizde synag işiniň ýa-da hepdede 20 sagat dowamlylygynda doly däl işlemek mümkinçiligini hödürleýär. Mümkinçilikleriň karty barada goşmaça maglumatlary (aýratyn hem “özüň barlamak” barada), şeýle hem Germaniýada işlemek we ýaşamak barada umumy maglumatlary “Germaniýada muny amala aşyr” sahypasynda tapyp bilersiňiz. |
Beýlekiler möhüm maglumatlar:
Nemes ýa-da iňlis dilinde ýazylmadyk resminamalar nemes diline terjime bilen bilelikde tabşyrylmalydyr.
Wiza üçin arza bermek üçin awiapetek bronlamak talap edilmeýär; Wiza alýançaňyz gitmek üçin bron etmäň
Şu ýerde agzalmadyk goşmaça resminamalar, arza berlende ýa-da wiza resmileşdirilýän wagtynda aýratyn
halatlarda soralyp bilner.Içerki pasportyňyzy, pasportyňyzy ýa-da saglyk ätiýaçlandyryşyňyzy terjime etmek gerek däl.
Arzanyň ähli resminamalaryny berýändigiňize göz ýetiriň! Doly däl arzalar wiza bermekden ýüz öwrülmegine sebäp bolup biler.
Ilçihana, resminamalary işlemegiň döwrüniň 6-8 hepde dowam edip biljekdigini belleýär.
Maglumat sahypalary yzygiderli täzelenýär, ýöne doludygyny tassyklamaýar we kepilliksiz çap edilýär.
Şu aşakdaky resminamalar berilýär:
Haýsy resminamalary berýändigiňizi çep tarapda atanak bilen belläň (X)
Esasy resminamalar | |
| ☐ | Arza doly ýazyp doldurmaly we özüň gol çekmeli (kämillik ýaşyna ýetmedikler üçin iki hossary gol çekmeli) |
| ☐ | Pasport üçin iki sany täze surat Biometrik, retuş edilmedik (tonirlenmedik). Fotony ýüz tutmanyň görnüşine (formasyna) ýelimläp goýmaň. |
| ☐ | Daşary ýurt pasporty (+ şahsy maglumatly sahypanyň iki sany nusgasy)
|
| ☐ | Ýeterlik saglyk ätiýaçlandyryşynyň subutnamasy Tölemegiň iň az möçberi 30 000 ýewro, Şengen zolagynyň ähli ýurtlary üçin Mümkinçilikleriň kartynyň hereket edýän tutuş möhletiniň dowamynda hereket edýän bolmaly (wizanyň alynmagyndan gijä galman tassyklanýar!) |
| ☐ | Delillendiriş haty Germaniýada haýsy iş ugurlarynyň we wezipeleriň sizi gyzyklanýandygyny, nirä ýüz tutmak isleýändigiňizi we Germaniýada nirede bolmak isleýändigiňizi (şol sanda ýaşaýyş we ýaşaýyş üçin beýleki çykdajylaryňyz barada maglumatlary) anyk görkezmeli. Eger ulanylýan bolsa, siziň daşary ýurtly hünär derejäňizi Germaniýada ykrar etmek üçin haýsy çäreleri görmegi meýilleşdirýändigiňizi görkezmeli. |
| ☐ | Terjimehal |
| ☐ | Maliýeleşdirmek
Eger-de, Germaniýada eýýäm anyk doly däl iş güni işiňiz bar bolsa, siz muny iş şertnamasy ýa-da hepdelik iş sagatlarynyň we aýlyk gazanjyň görkezilen hökmany iş teklibi bilen subut edip bilersiňiz. Borçlaryň beýannamasy:: |
Siziň nemes hünär bilimiňiz ýa-da ýokary bilimiňiz barmy? Ýa-da her biri Germaniýada ykrar edilýän daşary ýurt hünär bilimiňiz ýa-da daşary ýurt ýokary bilimiňiz barmy? Onda siz Ýaşaýyş kanunynyň 18 II bölüminiň mazmuny boýunça “hünärli işgär” bolup durýarsyňyz we Mümkinçilikleriň kartyny almak üçin size haýsydyr bir ballary toplamagyň zerurlygy ýok. Ýörite hünäriňiziň tassyknamasyny bermegiňizi haýyş edýäris: |
| ☐ Germaniýada hünär okuwynyň derejesi (Asyl nusgasy + nusgasy) |
ÝA-DA
| ☐ Germaniýada ýokary okuw jaýyny tamamlamak (Asyl nusgasy + nusgasy) |
ÝA-DA
| ☐ Ykrar etmek üçin jogapkär degişli edara tarapyndan daşary ýurt hünär derejesiniň ekwiwalentliliginiň ykrar edilmegi (asyl nusgasy + göçürme) |
ÝA-DA
| ☐ Siziň hünär bilimiňiz ýa-da ýokary bilimiňiz barmy? Ýa-da daşary ýurt ýokary okuw jaýynyň diplomynyň ekwiwalentliliginiň ykrarnamasy barmy (siziň diplomyňyz üçin anabin maglumatlar bazasyndan göçürme) |
ýa-da (eger-de dereje anabin maglumatlar bazasynda “ekwiwalent” bolup durmaýan bolsa we/ýa-da uniwersitetiň “H +” reýtingi bolmasa)
| ☐ Daşary ýurt bilimiň merkezi bölüminiň şahadatnama baha bermegi (asyl nusgasy + nusgasy) |
ÝA-DA (hünär bilen meşgullanmaga rugsadyň talap edilýän düzgünleşdirilýän hünärler üçin, mysal üçin lukmanlar, inženerler; doly sanaw Iş üpjünçiliginiň federal agentligi ýa-da Ýewropa Bileleşiginiň Komissiýasy tarapyndan berilýär)
| ☐ Hünär işi bilen meşgullanmak üçin rugsady ykrar etmek ýa-da tassyklamak boýunça jogapkär edaradan hünär işi bilen meşgullanmaga rugsat - mysal üçin, lukmançylyk hünärleri üçin: federal çäkdäki ygtyýarlandyryjy edaranyň çözgüdi, ýagny hünär işi bilen meşgullanmaga rugsady tassyklamak ýa-da lukmançylyk şahadatnamasynyň berilmegi (asyl nusgasy + nusga) |
Ykrar etmek barada maglumaty www.anerkennung-in-deutschland.de saýtyndan tapyp bilersiňiz
| Eger-de Siz hünärmen bolup durmaýan bolsaňyz (ýokardaky kesgitlemä serediň), Siz şu aşakdaky talaplara laýyk gelmeli we tassyknamasyny bermeli: |
| ☐ Daşary ýurt hünärmen biliminiň derejesi (asyl nusgasy + nusga) şeýle hem |
| ☐ Siziň daşary ýurt hünär derejäňiz barada (döwlet ykrarnamasy azyndan 2 ýyl okuw) daşary ýurt biliminiň merkezi bölüminiň şahadatnamasy (asyl nusgasy + nusga) ÝA-DA |
| ☐ Siziň hünär derejäňiziň bölekleýin ykrar edilýändigi barada habarnama/ýetmeýändigi barada habarnama (asyl nusgasy + nusgasy) |
ÝA-DA
| ☐ Daşary ýurt ýokary okuw jaýynyň diplomy (asyl nusgasy + nusgasy) ýa-da |
| ☐ Ýokary bilimiň döwlet tarapyndan ykrar edilmeginiň subutnamasy – ýa-da |
| ☐ Daşary ýurt ýokary okuw jaýynyň diplomynyň (şertli) barabarlygynyň kesgitlemesi (siziň diplomyňyz we siziň ýokary okuw jaýyňyz boýunça anabin maglumatlar bazasyndan göçürme) |
ÝA-DA (eger-de dereje anabin maglumatlar bazasynda “ekwiwalent” bolup durmaýan bolsa we/ýa-da uniwersitetiň “H +” reýtingi bolmasa)
| ☐ Daşary ýurt bilimiň merkezi bölüminiň şahadatnama baha bermegi (asyl nusgasy + nusgasy) |
ÝA-DA
| ☐ Hünär biliminiň federal instituty BIBB tarapyndan degişli tassyknama bilen Germaniýanyň daşary söwda palatasynyň hünär derejesi (Asyl nusgasy + nusgasy) |
| Dil bilimi |
| ☐ Nemes dilini bilýändigiň barada şahadatnama – A1 derejesinden pes däl! (Asyl nusgasy + nusgasy) |
WE/ÝA-DA
| ☐ Iňlis dilini bilýändigiň barada şahadatnama – B2 derejesinden pes däl! (Asyl nusgasy + nusgasy). Şahadatnamany berýänler “Ýewropanyň dil testini alyjylaryň assosiasiýasy” ALTE tarapyndan sertifikatlaşdyrylan bolmaly; Alternatiwa hökmünde “Daşary ýurt dili hökmünde iňlis dilinden test” (TOEFL) synagy hem kabul edilýär. |
Bellik. Ýokardaky resminamalar Mümkinçilikleriň karty boýunça ballary hasaplamak üçin hem möhüm bolup durýar! Kesgitli derejelerde nemes we iňlis dillerini bilýändigiňiz, şeýle hem siziň daşary ýurt hünär derejäňiziň bölekleýin ykrar edilmegi üçin ballary alyp bilersiňiz.
| Şeýle hem Siz mümkinçilikleriň kartynyň ballaryny ýygnap bilersiňiz (Siziň alyp biljek ballaryňyz barada jikme-jik maglumatlary, biziň web saýtymyzda we “Muny Germaniýada amala aşyr” bölüminde şu aşakdaky subutnamalar bolanda tapyp bilersiňiz: |
| ☐ Soňky 5 ýa-da 7 ýylyň içinde Siziň hünär tejribäňiziň subutnamasy, olaryň siziň hünär derejäňiz bilen baglanyşykly bolmagynyň şerti bilen: iş ýerinden hödürnamalar, iş berijiniň subutnamalary we ş.m. (asyl nusgalary + nusgalary) |
| ☐ Eger-de Siz soňky 5 ýylyň içinde üznüksiz azyndan 6 aý Germaniýada kanuny ýaşan bolsaňyz (Şengen zolagynyň kanunçylygyna laýyklykda gysga möhletli bolmak hasaba alynmaýar!), degişli resminamalar bilen munuň tassyknamasyny beriň, mysal üçin - möhletsiz kärende şertnamalary - zähmet gatnaşyklary, hyzmatlary etmegiň şertnamalary we ş.m. - wizaly we giriş möhürleri bilen pasportlar |
| ☐ Siziň äriňiz/aýalyňyz – ýoldaşyňyz hem mümkinçilikleriň kartyny almak üçin arza bermek isleýärmi – ýa-da onda ol eýýäm barmy – we soňra siziň bilen Germaniýa gelmek isleýärmi? Eger-de isleýän bolsa, onda siziň biriňiz Mümkinçilikleriň karty üçin 1 goşmaça bal alyp biler. Eger-de ulanylýan bolsa, äriňiziň/aýalyňyzyň/ýoldaşyňyzyň Mümkinçilikleriň kartyny almak üçin arzasynyň degişli tassyknamasyny beriň. |